Tombstone ია გაზაფხულის სურნელოვანი ლურჯი ყვავილი ორნაწილიანი ჟესტის პირველი ნაწილია ერთხელიანი, დინამიკური სიტყვა-ჟესტი „ლურჯი“ – ხელისგული მიმართულია წინ, გაშლილი და წრიულად მოხრილი საჩვენებელი და ცერი თითების განლაგებით გამოსახულია ღია წრე, დანარჩენი თითები შეკრულია მუშტად, სრულდება განმეორებადი მოძრაობა ზევით-ქვევით; ჟესტის მეორე ნაწილია ერთხელიანი, დინამიკური სიტყვა-ჟესტი „ყვავილი“ – სხეულისკენ მიმართულია სახის წინ განთავსებული ხელისგული, თითები ერთმანეთს წვერებით … Read more
თხუთმეტი – რიცხვი 15, ათი და ხუთი ორხელიანი, ასიმეტრიული, დინამიკური ჟესტი, მუშტად შეკრული თითებით ერთმანეთისკენ მიმართულია ხელისგულები, თითების წვერებით ხელები ერთმანეთს ეხება, მარჯვენა ხელი მარჯვნივ გადაადგილდება და ბოლო ფაზაში მარჯვენა ხელისგული ფართოდ გაშლილი თითებით მიმართულია მარცხნივ, მარცხენა ხელი კი უცვლელად რჩება. ჟესტი წარმოდგენილია მკერდის დონეზე.
თხრილი – ნათხარი, გაჭრილი, გათხრილი მიწა, გრძლად გაჭრილი ორმო ორნაწილიანი ჟესტის პირველი ნაწილია ორხელიანი, ასიმეტრიული, დინამიკური, პანტომიმური სიტყვა-ჟესტი „თხრა“ – მარჯვენა ხელისგული მიმართულია სხეულისკენ ქვევით დაშვებული, გაშლილი თითებით, იმავე კონფიგურაციით მარცხენა ხელისგული მიმართულია სხეულისკენ, მარჯვენა ხელით სრულდება განმეორებადი, წრიული მოძრაობა; ჟესტის მეორე ნაწილია ორხელიანი, ასიმეტრიული, დინამიკური სიტყვა-ჟესტი „მიწა“ – სხეულისკენ მიმართულია ხელისგულები, მარჯვენა ხელის … Read more
თხრა – მიწის გაჭრა და ამოღება, თხრილის გაკეთება ორხელიანი, ასიმეტრიული, დინამიკური, პანტომიმური ჟესტი, მარჯვენა ხელისგული მიმართულია სხეულისკენ ქვევით დაშვებული, გაშლილი თითებით, იმავე კონფიგურაციით მარცხენა ხელისგული მიმართულია სხეულისკენ, მარჯვენა ხელით სრულდება განმეორებადი, წრიული მოძრაობა. ჟესტი წარმოდგენილია მკერდის დონეზე ოდნავ ქვევით.
თხოვნა – ხვეწნა, მუდარა ორხელიანი, სიმეტრიული, სტატიკური ჟესტი, ერთმანეთისკენ მიმართული და ერთმანეთზე მიდებულია ხელისგულები გაშლილი და ზევით აღმართული თითებით. ჟესტი წარმოდგენილია მკერდის დონეზე.
თხილი – მწვანე საფარველის მქონე ნაჭუჭიანი ნაყოფი ერთხელიანი, დინამიკური ჟესტი, ხელისგული მიმართულია წინ, ცერის და საჩვენებელი თითების წვერები ერთმანეთს ეხება, დანარჩენი თითები გაშლილია, სრულდება განმეორებადი მოძრაობა მარჯვნივ-მარცხნივ და ხელი ეხება ლოყას. ჟესტი წარმოდგენილია სახის დონეზე.
თხილამურები – თოვლზე სასრიალო ფეხებქვეშ ამოსაკრავი გრძელი და ბრტყელი ძელები ორხელიანი, სიმეტრიული, დინამიკური, პანტომიმური ჟესტი, ზევით მიმართულია ხელისგულები გაშლილი და ფალანგებში ოდნავ მოხრილი თითებით, ორივე ხელით სრულდება განმეორებადი მოძრაობა წინ და უკან, მომდევნო ფაზაში მუშტად შეკრული თითებით ერთმანეთისკენ მიმართულია ხელისგულები, ორივე ხელით სრულდება რკალური ტრაექტორიის განმეორებადი, მონაცვლეობითი მოძრაობა ზევით-ქვევით. ჟესტი წარმოდგენილია მკერდის დონეზე.
თხა – შინაური ჩლიქოსანი ცხოველი, იძლევა რძეს, ხორცს, ტყავსა და მატყლს ერთხელიანი, სტატიკური, იკონური ჟესტი, ხელისგული მიმართულია წინ, ხელი ზურგით ეხება შუბლს, გაშლილი და ზევით აღმართულია საჩვენებელი და შუა თითები, დანარჩენი თითები შეკრულია მუშტად. ჟესტი სრულდება სახის დონეზე.
თქმულება – ზეპირად გადმოცემული ამბავი, მოთხრობა, გადმოცემა, ლეგენდა ორხელიანი, სიმეტრიული, დინამიკური ჟესტი, წინ მიმართულია ხელისგულები, ცერი და შუა თითი ერთმანეთს წვერებით ეხება, დანარჩენი თითები გაშლილია, ბოლო ფაზაში ფართოდ გაშლილია თითები. ჟესტი წარმოდგენილია მკერდის დონეზე.
თქვენი – მეორე პირის მრავლობითი რიცხვის კუთვნილებითი ნაცვალსახელი ერთხელიანი, დინამიკური ჟესტი, მარჯვენა ხელისგული ზემოთ და სხეულისკენაა მიმართული, გაშლილი და ზედა ფალანგებში ერთად მოხრილი თითები ზევით მიემართება, სრულდება მოძრაობა წინ. ჟესტი წარმოდგენილია მკერდის დონეზე.
თქვენ – მეორე პირის მრავლობითი რიცხვის პირის ნაცვალსახელი ერთხელიანი, დინამიკური ჟესტი, მარჯვენა ხელისგული ზევით და სხეულისკენაა მიმართული, გაშლილი და ზედა ფალანგებში ერთად მოხრილი თითები ზევით მიემართება, რკალური ტრაექტორიით სრულდება მოძრაობა მარჯვნივ. ჟესტი წარმოდგენილია მკერდის დონეზე.
თურქეთი – ქვეყანა აზიაში ერთხელიანი, დინამიკური ჟესტი, ქვევით მიმართულია ყურთან განთავსებული ხელისგული გაშლილი და ქვევით მიმართული თითებით, რკალური ტრაექტორიით სრულდება განმეორებადი მოძრაობა მარჯვნივ-მარცხნივ. ჟესტი წარმოდგენილია სახის დონეზე.
თურმე – ნაწილაკი, იხმარება ისეთი ამბის, მოვლენის გადმოცემისას, რასაც მთქმელი არ დასწრებია და არ უნახავს ერთხელიანი, დინამიკური ჟესტი, ზევით მიმართულია ხელისგული მუშტად შეკრული თითებით, მომდევნო ფაზაში სხეულისკენ და ზევით მიმართულია ხელისგული გაშლილი და ზევით აღმართული საჩვენებელი თითით. ჟესტი წარმოდგენილია მკერდის დონეზე.
თუმცა – ნაწილაკი, მაგრამ ორხელიანი, სიმეტრიული, დინამიკური ჟესტი, ქვევით მიმართულია მარჯვენა ხელისგული და ცერი ეხება ქვევით დახრილი, გაშლილი თითების წვერებს, წინ მიმართულია მარცხენა ხელისგული, გაშლილია საჩვენებელი და შუა თითები, დანარჩენი თითები შეკრულია მუშტად, მომდევნო ფაზაში ხელები ინაცვლებენ პოზიციებსა და კონფიგურაციებს. ჟესტი წარმოდგენილია მკერდის დონეზე.
თოჯინა – დედოფალა, სათამაშო ერთხელიანი, დინამიკური ჟესტი, ხელისგული მიმართულია სხეულისკენ, გაშლილი და ზევით აღმართულია საჩვენებელი და ნეკი თითები, დანარჩენი თითები კრავენ მუშტს, მაჯით სრულდება განმეორებადი მოძრაობა მარჯვნივ-მარცხნივ. ჟესტი წარმოდგენილია მკერდის დონეზე.