მივლინება  – სამსახურებრივი დავალებით დროებით სხვაგან წასვლა ან გაგზავნა   ორნაწილიანი ჟესტის პირველი ნაწილია ორხელიანი, სიმეტრიული, დინამიკური ფორმა – მუშტად შეკრული თითებით ქვევით მიმართულია ხელისგულები, ორივე ხელით სრულდება განმეორებადი, მონაცვლეობითი მოძრაობა ზევით-ქვევით; ჟესტის მეორე ნაწილია ორხელიანი, სიმეტრიული, დინამიკური სიტყვა-ჟესტი „გამგზავრება“ – წინ და ერთმანეთისკენ მიმართულია ხელისგულები, გაშლილია ცერი  და საჩვენებელი თითები, დანარჩენი თითები შეკრულია მუშტებად, … Read more

მიგნება –   ვარაუდით პოვნა, ძებნით მიკვლევა, აღმოჩენა   ორხელიანი, ასიმეტრიული, დინამიკური ჟესტი, წინ გაწეული მარცხენა ხელისგული გაშლილი თითებით მიმართულია სხეულისკენ, მარჯვენა ხელისგული მიმართულია წინ, გაშლილი და ზევით აღმართულია საჩვენებელი თითი, დანარჩენი თითები შეკრულია მუშტად, მარჯვენა ხელით სრულდება მოძრაობა წინ და საჩვენებელი თითი ეხება მარცხენა ხელისგულს. ჟესტი წარმოდგენილია მკერდის დონეზე.

მიგზავნა  – გარკვეული მიზნით ან დავალებით გაგზავნა (ვინმესთან)   ორნაწილიანი ჟესტის პირველი ნაწილია ორხელიანი, ასიმეტრიული, დინამიკური სიტყვა-ჟესტი „დავალება“ – მარჯვენა ხელისგული მოხრილი თითებით მიმართულია სხეულისკენ, ზევით განთავსებული მარცხენა ხელისგული მუშტად შეკრული თითებით მიმართულია წინ, მომდევნო ფაზაში ქვევით მიმართულია მარჯვენა მაჯაზე განთავსებული მარცხენა ხელისგული, გაშლილი და წინ მიმართულია საჩვენებელი თითი, დანარჩენი თითები შეკრულია მუშტად; ჟესტის მეორე … Read more

მიბაძვა –  წაბაძვა, მსგავსად მოქმედება   ორხელიანი, ასიმეტრიული, დინამიკური ჟესტი, ზევით მიმართულია მარცხენა ხელისგული გაშლილი და წინ მიმართული თითებით, წინ მიმართულია მარჯვენა ხელისგული გაშლილი, წინ მიმართული თითებით და ქვევით დაშვებული ცერით. მარჯვენა ხელი უკან, სხეულისკენ მოძრაობს და ბოლო ფაზაში ცერი ეხება მოხრილი თითების წვერებს. ჟესტი წარმოდგენილია მკერდის დონეზე.

მიბარება –  შესანახად ან მოსავლელად მიცემა   ორხელიანი, სიმეტრიული, დინამიკური ჟესტი, წინ მიმართულია ხელისგულები, ცერები ეხება მოხრილი თითების წვერებს, ორივე ხელი წინ გადაადგილდება სინქრონულად და ბოლო ფაზაში ფართოდ გაშლილია თითები. ჟესტი წარმოდგენილია მკერდის დონეზე.

მთვარე  –  დედამიწის თანამგზავრი ცის სხეული, რომელიც ღამე ანათებს მზის სინათლის ანარეკლი შუქით   ერთხელიანი, დინამიკური, იკონური ჟესტი, ზევით მიმართულია ხელისგული, გაშლილია ზევით აღმართული ცერი და საჩვენებელი თითები, დანარჩენი თითები შეკრულია მუშტად, რკალური ტრაექტორიით სრულდება მოძრაობა ქვევით და ბოლო ფაზაში ცერი და საჩვენებელი თითები ერთმანეთს წვერებით ეხება. ჟესტი წარმოდგენილია მხრების დონეზე.

მთა –  დედამიწის ამაღლებული ადგილი, რომელიც თავისი სიმაღლით თვალსაჩინოდ აღემატება მიდამოს   ორხელიანი, სიმეტრიული, დინამიკური, იკონური ჟესტი, წინ და ერთმანეთისკენ მიმართულია ხელისგულები, გაშლილი და ფალანგებში წრიულად მოხრილია ცერი და საჩვენებელი თითები, დანარჩენი თითები შეკრულია მუშტებად, ორივე ხელით სინქრონულად სრულდება ზევით მიმართული, კუთხოვანი ტრაექტორიის  განსვლითი მოძრაობა: მარჯვენა ხელი მარჯვნივ გადაადგილდება, მარცხენა – მარცხნივ. ჟესტი წარმოდგენილია სახისა … Read more

მთელი  –  რასაც არაფერი აკლია, მთლიანი, ერთიანი, დაუნაწევრებელი   ერთხელიანი, დინამიკური ჟესტი, წინ მიმართულია ხელისგული გაშლილი თითებით და ჩაკეცილი ცერით, ბოლო ფაზაში ხელი ოდნავ ქვევით მოძრაობს, ცერი ეხება წინ მიმართული და ერთად მოხრილი თითების წვერებს.  ჟესტი წარმოდგენილია მხრების დონეზე.  

მთარგმნელი  – ვინც თარგმნის, ვინც ერთ ენაზე დაწერილს ან ნათქვამს მეორე ენაზე გადმოსცემს   ორნაწილიანი ჟესტის პირველი ნაწილია ორხელიანი, სიმეტრიული, დინამიკური სიტყვა-ჟესტი „გადაქცევა“ / „გარდაქმნა“ – ერთმანეთისკენ მიმართული და ერთმანეთზე მიდებულია ხელისგულები, გაშლილია საჩვენებელი თითები, დანარჩენი თითები შეკრულია მუშტებად, საჩვენებელი თითებით სრულდება რკალური ტრაექტორიის მონაცვლეობითი, განმეორებითი მოძრაობა ზევით-ქვევით; ჟესტის მეორე ნაწილია ერთხელიანი, დინამიკური სიტყვა-ჟესტი „ადამიანი“ … Read more

მთავრობა  –   სახელმწიფოებრივი ხელისუფლების ცენტრალური აღმასრულებელი და განმკარგულებელი ორგანო   ერთხელიანი, დინამიკური სიტყვა-ჟესტი – „ბ“ დაქტილის კონფიგურაციით გამოსახული, მარცხნივ მიმართულია ხელისგული, გაშლილია საჩვენებელი თითი,  შუა თითი ეხება საჩვენებელ თითს და მოხრილია ფალანგებში, დანარჩენი თითები ჩაკეცილია, ხელი ეხება შუბლს, სრულდება განმეორებადი მოძრაობა წინ და უკან. ჟესტი წარმოდგენილია სახის დონეზე.

მთავარი  – ყველაზე უფრო მნიშვნელოვანი, არსებითი, ძირითადი   ორხელიანი, ასიმეტრიული, დინამიკური ჟესტი, სხეულისკენ მიმართულია მარცხენა ხელისგული მუშტად შეკრული თითებით, ქვევით მიმართულია ზევით განთავსებული მარჯვენა ხელისგული მუშტად შეკრული თითებით და მარცხნივ მიმართული, გაშლილი ცერით, მომდევნო ფაზაში სხეულისკენ მიმართულია მარჯვენა ხელისგული ზევით აღმართული ცერით, ხელი ქვევით ეშვება და ეხება მარცხენა ხელს. ჟესტი წარმოდგენილია მკერდის დონეზე.

  მზრუნველი –  ვინც ზრუნავს, მეურვე   ორნაწილიანი ჟესტის პირველი ნაწილია ორხელიანი, სიმეტრიული, დინამიკური სიტყვა-ჟესტი „ზრუნვა“ – წინ მიმართულია ხელისგულები და ფალანგებში ოდნავ მოხრილი თითებით, ორივე ხელით სრულდება განმეორებადი, სინქრონული მოძრაობა წინ და უკან; ჟესტის მეორე ნაწილია ერთხელიანი, დინამიკური სიტყვა-ჟესტი „ადამიანი“ – ხელისგული მიმართულია წინ, გაშლილი ცერი და საჩვენებელი თითებით ღია წრეა გამოსახული, დანარჩენი თითები … Read more

მზესუმზირა –  ერთწლოვანი ზეთოვანი ყვითელყვავილებიანი მცენარე,  ამ მცენარის ნაყოფი   ერთხელიანი, დინამიკური ჟესტი, სხეულისკენ მიმართულია პირთან მიტანილი ხელისგული, საჩვენებელი თითი და ცერი ერთმანეთს წვერებით ეხება, დანარჩენი თითები გაშლილია, ბოლო ფაზაში იმავე კონფიგურაციით წინ და ქვევით მიმართულია ხელისგული. ჟესტი წარმოდგენილია სახის დონეზე.

მზერა  – ცქერა, ყურება       ერთხელიანი, დინამიკური ჟესტი, სხეულისკენ მიმართულია ხელისგული, გაშლილი და სხეულისკენ მიმართულია საჩვენებელი და შუა თითები, დანარჩენი თითები შეკრულია მუშტად, ოდაყვში მოხრილი და განზე გაწეული ხელი სხეულისკენ მოძრაობს ირიბი ტრაექტორიით. ჟესტი წარმოდგენილია მხრების დონეზე.    

მზე  –  ჩვენი საპლანეტო სისტემის ცენტრალური მნათობი სფეროს მოყვანილობის გიგანტური გავარვარებული ცის სხეული, უახლოესი ვარსკვლავი   ერთხელიანი, დინამიკური ჟესტი, წინ მიმართულია ხელისგული, ცერი ეხება მოხრილი თითების წვერებს, ხელი ქვევით მოძრაობს ირიბი ტრაექტორიით და ბოლო ფაზაში ზევით აღმართული თითები ფართოდ გაშლილია. ჟესტი წარმოდგენილია მხრების დონეზე.