თ

თბილი –  სითბოს მქონე, ცივისა და ცხელის საშუალი   ერთხელიანი, სტატიკური ჟესტი, სხეულისკენ მიმართულია სახის წინ განთავსებული ხელისგული გაშლილი და  ფალანგებში ოდნავ მოხრილი თითებით.  ჟესტი წარმოდგენილია სახის დონეზე.

თაყვანისცემა  –  1.პატივისცემა, გაღმერთება, კერპად გახდა; 2. მოწიწებით, მოკრძალებით, მდაბლად თავის დაკვრა   ორნაწილიანი ჟესტის პირველი ნაწილია ორხელიანი, სიმეტრიული, დინამიკური სიტყვა-ჟესტი „პატივისცემა“ – სხეულისკენ მიმართულია ხელისგულები, გაშლილია ცერი და ნეკი თითები, დანარჩენი თითები შეკრულია მუშტებად, ორივე ხელით სრულდება რკალური ტრაექტორიის სინქრონული მოძრაობა წინ; ჟესტის მეორე ნაწილია ორხელიანი, სიმეტრიული, დინამიკური სიტყვა-ჟესტი „ მორჩილება“ – სხეულისკენ მიმართულია … Read more

თასი  –  მხატვრულად გაფორმებული ლითონის, ბროლის ან ფაიფურის ძვირფასი ჭურჭელი შეჯიბრებაში გამარჯვებულთა დასაჯილდოებლად   ორხელიანი, სიმეტრიული, დინამიკური ჟესტი, სხეულისკენ მიმართულია ხელისგულები მუშტად შეკრული თითებით, მარჯვენა ხელი მარცხენაზეა განთავსებული, ორივე ხელით სრულდება განმეორებადი მოძრაობა წინ და უკან. ჟესტი წარმოდგენილია მკერდის დონეზე.    

თარჯიმანი  – საუბრის ერთი ენიდან მეორე ენაზე ზეპირად მთარგმნელი   ორნაწილიანი ჟესტის პირველი ნაწილია ორხელიანი, სიმეტრიული, დინამიკური სიტყვა-ჟესტი „თარგმნა“ – ერთმანეთისკენ მიმართული და ერთმანეთზე მიდებულია ხელისგულები, გაშლილია საჩვენებელი თითები, დანარჩენი თითები შეკრულია  მუშტებად, საჩვენებელი თითებით სრულდება რკალური ტრაექტორიის მონაცვლეობითი, განმეორებითი მოძრაობა ზევით-ქვევით; ჟესტის მეორე ნაწილია ერთხელიანი, დინამიკური სიტყვა-ჟესტი „ადამიანი“ – ხელისგული მიმართულია წინ, გაშლილი ცერით … Read more

თარიღი  – რაიმე მოვლენის, ფაქტის მომხდარობის, რაიმე დოკუმენტის შექმნის წერილობით აღნიშნული დრო (წელი, თვე, დღე)   ორნაწილიანი ჟესტის პირველი ნაწილია ერთხელიანი, დინამიკური სიტყვა-ჟესტი „როდის?“ – სახის წინ განთავსებულია მარცხნივ მიმართული ხელისგული, გაშლილია ცერი და ზედა ფალანგებში ერთად მოხრილი თითები, თითებით სრულდება რკალური ტრაექტორიის განმეორებადი მოძრაობა ზევით-ქვევით და ბოლო ფაზაში ცერი ეხება გაშლილი თითების წვერებს; ჟესტის … Read more

თარგმნა –   (ტექსტის) ერთი ენიდან მეორეზე გადაღება   ორხელიანი, სიმეტრიული, დინამიკური ჟესტი,  ერთმანეთისკენ მიმართული და ერთმანეთზე მიდებულია ხელისგულები, გაშლილია საჩვენებელი თითები, დანარჩენი თითები შეკრულია მუშტებად, საჩვენებელი თითებით სრულდება რკალური ტრაექტორიის მონაცვლეობითი, განმეორებითი მოძრაობა ზევით-ქვევით. ჟესტი წარმოდგენილია მკერდის დონეზე.

თაობა  –  შთამომავლობის თითოეული საფეხური   ორხელიანი, ასიმეტრიული, დინამიკური  ჟესტი, სხეულისკენ მიმართულია ხელისგულები, გაშლილი და ერთმანეთისკენ მიმართულია საჩვენებელი თითები, დანარჩენი თითები შეკრულია მუშტებად, ზემოთ განთავსებული მარჯვენა ხელით სრულდება სპირალური ტრაექტორიის ქვემოთ მიმართული მოძრაობა, შემდგომ ფაზაში ერთმანეთის გასწვრივ მდებარე საჩვენებელი თითებით სრულდება განმეორებადი, წრიული მოძრაობა. ჟესტი წარმოდგენილია მკერდის დონეზე.  

თანხმობა  –  დადებითი პასუხი, დასტური   ორნაწილიანი ჟესტის პირველი ნაწილია ორხელიანი, სიმეტრიული, დინამიკური სიტყვა-ჟესტი „შეთანხმება“ –  ვერტიკალზე ერთმანეთისკენ მიმართული და ერთმანეთზე განთავსებულია ხელისგულები გაშლილი თითებით, ორივე ხელით სრულდება პოზიციათა მონაცვლეობითი მოძრაობა; ჟესტის მეორე ნაწილია ორხელიანი, სიმეტრიული, დინამიკური სიტყვა-ჟესტი „თანახმა“ – ხელისგულები ერთმანეთისკენაა მიმართული, გაშლილი და წინ მიმართულია საჩვენებელი თითები, ზევით აწეულია ცერები, ხელები სინქრონულად ქვევით … Read more

თანხა –  ფულის ესა თუ ის რაოდენობა   ორხელიანი, ასიმეტრიული, დინამიკური ჟესტი, მარცხენა ხელისგული გაშლილი და წინ მიმართული თითებით მიმართულია მარჯვნივ, მარჯვენა ხელისგული მიმართულია ზევით, ცერი ეხება თითების წვერებს, მარჯვენა ხელით სრულდება განმეორებადი მოძრაობა მარჯვნივ-მარცხნივ და ხელი ეხება მარცხენა ხელისგულს. ჟესტი წარმოდგენილია მკერდის დონეზე.

თანმიმდევრობა  –  რიგი   ორხელიანი, ასიმეტრიული, დინამიკური ჟესტი, მოხრილი თითებით    ერთმანეთისკენ მიმართულია ხელისგულები, ქვემოთ განთავსებული მარჯვენა ხელით სრულდება სპირალური ტრაექტორიის ზევით მიმართული მოძრაობა. ჟესტი წარმოდგენილია მკერდის დონეზე.

თანდართული  –   რაც თან დაერთვის, თან ახლავს რასმე   ორხელიანი, ასიმეტრიული, დინამიკური ჟესტი, ზევით მიმართულია ხელისგულები გაშლილი თითებით, მარჯვენა ხელით სრულდება რკალური ტრაექტორიის მოძრაობა მარცხნივ. ჟესტი წარმოდგენილია მკერდის დონეზე.  

თანდათან  – ცოტცოტაობით, ნელ-ნელა, უფრო და უფრო   ორხელიანი, ასიმეტრიული, დინამიკური ჟესტი, მარცხენა ხელისგული გაშლილი თითებით მიმართულია მარჯვნივ, იმავე კონფიგურაციით მარჯვენა ხელისგული მიმართულია სხეულისკენ, მარჯვენა ხელით სრულდება რკალური ტრაექტორიის განმეორებადი მოძრაობა წინ და უკან, ხელი ზემოდან ეხება მარცხენა ხელისგულს საჩვენებელ თითთან.  ჟესტი წარმოდგენილია მკერდის დონეზე.

თანახმა –  დასტურის მიცემა, ყაბული, დათანხმება   ორხელიანი, სიმეტრიული, დინამიკური ჟესტი, ხელისგულები ერთმანეთისკენაა მიმართული, გაშლილი და წინ მიმართულია საჩვენებელი თითები, ზევით აწეულია ცერები, დანარჩენი თითები ჩაკეცილია, ორივე  ხელი სინქრონულად ქვევით მიემართება რკალური ტრაექტორიით. ჟესტი სრულდება მკერდის დონეზე და ოდნავ ქვევით.  

თანასწორი –  სიდიდით, უფლებით, მნიშვნელობით, ღირებულებით ან სხვა თვისებით ერთგვარი, ერთნაირი, თანაბარი, თანატოლი   ორხელიანი, სიმეტრიული, დინამიკური ჟესტი, ქვევით მიმართულია ერთ ხაზზე განთავსებული ხელისგულები გაშლილი თითებით, ორივე ხელით სრულდება დაახლოებითი, სინქრონული მოძრაობა: ზემოთ განთავსებული მარჯვენა ხელი ქვევით და წინ მოძრაობს, ქვემოთ განთავსებული მარცხენა ხელი ზევით და სხეულისკენ გადაადგილდება, ხელები ერთმანეთს უსწორდება და ეხება. ჟესტი წარმოდგენილია … Read more

თანამშრომელი  – სხვასთან ერთად მომუშავე დაწესებულებაში, ამა თუ იმ დაწესებულების მოსამსახურე   ორნაწილიანი ჟესტის პირველი ნაწილია ერთხელიანი, დინამიკური სიტყვა-ჟესტი „სამსახური“ –  ქვევით მიმართულია ხელისგული, ცერი ეხება საჩვენებელი და შუა თითების წვერებს, დანარჩენი თითები ჩაკეცილია, სრულდება განმეორებადი მოძრაობა ზევით-ქვევით და ხელი ეხება მკერდს; ჟესტის მეორე ნაწილია ორხელიანი, სიმეტრიული, დინამიკური სიტყვა-ჟესტი „ერთად“ – ერთმანეთისკენ მიმართულია ხელისგულები ფართოდ … Read more