თოვა – თოვლის მოსვლა
ორნაწილიანი ჟესტის პირველი ნაწილია ორხელიანი, სიმეტრიული, დინამიკური, პანტომიმური სიტყვა-ჟესტი „გუნდა“ – ვერტიკალზე ერთმანეთისკენ მიმართულია ხელისგულები გაშლილი და ოდნავ მოხრილი თითებით, სრულდება პოზიციათა განმეორებადი, მონაცვლეობითი მოძრაობა; ჟესტის მეორე ნაწილია ორხელიანი, სიმეტრიული, დინამიკური, პანტომიმური სიტყვა-ჟესტი „თოვლის მოსვლა“ – წინ მიმართულია ხელისგულები ფაროდ გაშლილი თითებით, თითების რხევით სრულდება მოძრაობა ირიბი მიმართულებით ქვევით. ჟესტი წარმოდგენილია მკერდისა და მხრების დონეზე.