აფთიაქი – დაწესებულება‚ სადაც წამლებს ამზადებენ და ყიდიან
ორნაწილიანი ჟესტის პირველი ნაწილია ერთხელიანი, დინამიკური სიტყვა-ჟესტი „წამალი“ – ქვევით მიმართულია პირთან განთავსებული ხელისგული, გაშლილი და მარჯვნივ მიმართულია საჩვენებელი და შუა თითები, სრულდება თითების განმეორებადი, რხევითი მოძრაობა; ჟესტის მეორე ნაწილია ორხელიანი, სიმეტრიული, დინამიკური, პანტომიმური სიტყვა-ჟესტი „დაფქვა“ – სხეულისკენ მიმართულია ხელისგულები მუშტად შეკრული თითებით, მარჯვენა ხელი ზედ ადევს მარცხენას, ორივე ხელით სრულდება განმეორებადი, წრიული მოძრაობა. ჟესტი წარმოდგენილია სახისა და მკერდის დონეზე.