მოწმობა – ოფიციალური დოკუმენტი, ცნობა, რითაც რაიმე დასტურდება
ორნაწილიანი ჟესტის პირველი ნაწილია ორხელიანი, სიმეტრიული, დინამიკური, პანტომიმური სიტყვა-ჟესტი „გადაშლა“ – ერთმანეთისკენ მიმართულია ერთმანეთთან ახლოს მიტანილი ხელისგულები, გაშლილი და წინ მიმართული თითებით, რკალური ტრაექტორიით სინქრონულად სრულდება ქვევით მიმართული განსვლითი მოძრაობა: მარჯვენა ხელი მარჯვნივ და ქვევით გადაადგილდება, მარცხენა – მარცხნივ და ქვევით: ჟესტის მეორე ნაწილია ორხელიანი, სიმეტრიული, დინამიკური სიტყვა-ჟესტი „ბარათი“ – ერთმანეთისკენ მიმართულია ხელისგულები, ფალანგებში მოხრილი ცერებით და საჩვენებელი თითებით გამოსახულია ოთხკუთხედი ფორმა, ორივე ხელით სრულდება განმეორებადი მოძრაობა მარჯვნივ-მარცხნივ: ერთმანეთისკენ და განზე. ჟესტი წარმოდგენილია მკერდის დონეზე.