გაქვავება – ქვად ქცევა, ქვასავით გახდომა, გამაგრება
ორნაწილიანი ჟესტის პირველი ნაწილია ორხელიანი, სიმეტრიული, დინამიკური სიტყვა-ჟესტი „ქვა“ – ერთმანეთისკენ ვერტიკალურად მიმართულია ხელისგულები მუშტად შეკრული ხელებით, ჯერ მარჯვენა ხელი ადევს მარცხენას, შემდეგ კი – პირიქით; ჟესტის მეორე ნაწილია ორხელიანი, ასიმეტრიული, დინამიკური სიტყვა-ჟესტი „მაგარი“ – სხეულისკენ მიმართულია ხელისგულები ერთნაირი კონფიგურაციით: გაშლილია საჩვენებელი და შუა თითები, დანარჩენი თითები შეკრულია მუშტებად; მარჯვენა ხელი მოძრაობს ქვევით და ეხება მარცხენა ხელის საჩვენებელ თითს. ჟესტი წარმოდგენილია მკერდის დონეზე.