ამიერიდან – ამის შემდეგ, აქედან დაწყებული‚ ამ დღიდან მოყოლებული‚ დღეიდან
სამნაწილიანი ჟესტის პირველი ნაწილია ერთხელიანი, სტატიკური სიტყვა-ჟესტი „ეს“/ „ამ“ – ხელისგული ქვევითაა მიმართული, გაშლილი და ქვევით მიმართულია საჩვენებელი თითი, დანარჩენი თითები შეკრულია მუშტად; ჟესტის მეორე ნაწილია ერთხელიანი, დინამიკური სიტყვა-ჟესტი „მერე“ – ხელისგული მიმართულია სხეულისკენ, ცერი და საჩვენებელი თითები ერთმანეთს ეხება წვერებით, დანარჩენი თითები გაშლილია, ნიკაპის გასწვრივ სრულდება მრავალჯერადი მოძრაობა ზევით-ქვევით და ხელი ეხება ნიკაპს; ჟესტის მესამე ნაწილია ერთხელიანი, დინამიკური სიტყვა-ჟესტი „შემდეგ“ – სხეულისკენ და ქვევით მიმართულია ხელისგული გაშლილი და მარცხნივ მიმართული თითებით, სრულდება რკალური ტრაექტორიის მოძრაობა წინ, ბოლო ფაზაში ქვევით დაშვებული თითებით ხელისგული ქვევითაა მიმართული. ჟესტი წარმოდგენილია მკერდისა და სახის დონეზე.